Të shtëna me armë u dëgjuan mbrëmjen e djeshme në lagjen “1 Maji” Fier. Policia tha se një person ka qëlluar me armë zjarri pistoletë në drejtim të tavolinës, ku ishte ulur pronari i lokalit një 45 vjeçar me tre persona të tjerë që janë banorë të lagjes 1 Maji në Fier.
Njëri nga këta katër personat sipas policisë, besohet se ka qenë shënjestra e sulmit me armë zjarri.
Në vendngjarje u gjetën dhe sekuestruan në cilësinë e provës materiale 4 gëzhoja arme zjarri tip pistoletë.
Nga veprimet e kryera nga grupi hetimor, dyshohet se autor i ngjarjes është nje 47 vjeç, i cili është shpallur në kërkim. Fatmirësisht nga ky atentat nuk pati të vrarë.
