Këto janë pamjet e rënda kur një 24-vjeçar qëllon për vdekje me armë ish të dashurën e tij. Ngjarja e rëndë ka ndodhur në Bangkok, Tajlandë. Sipas mediave, viktima është 21-vjeçarja Natchareeya Thaprajit, e cila u qëllua nga Pukkapong Chittarom. 21-vjeçarja u qëllua jashtë korpusit të saj universitar.
Vajza sapo kishte dalë nga konvikti me një shoqen e saj, ku poshtë e priste ish i dashuri. Ata kishin qenë të lidhur për rreth 5 vite, por ishin ndarë kohët e fundit. Ai i kërkonte që ktheheshin përsëri bashkë, por ajo refuzonte. Pas një bisede të shkurtër që patën poshtë konviktit, djali nxorri pistoletën dhe e qëlloi në kraharor 21-vjeçaren, duke e lënë të vdekur.
Ai qëlloi edhe veten me armë në gojë, por mbijetoi. Ngjarja e rëndë është filmuar nga kamerat e sigurisë së korpusit universitar.
