Shtatë persona nga lindja kanë marrë pjesë në rrahjen brutale të një shqiptari, 22-vjeç, pasi e kapën duke vjedhur në apartamentin e tyre.
Sipas mediave italiane, ata nuk kanë pritur ardhjen e policisë, por kanë preferuar të bëjnë “vetëgjyqësi”, duke e masakruar hajdutin, i cili kishte hyrë në shtëpinë e tyre dhe u kishte vjedhur 2.500 euro.
Ngjarja e rëndë ka ndodhur në Prato dhe policia italiane ka bërë me dije se shtetasi shqiptar i masakruar quhet Ergis Toma, 22-vjeç.
Pamjet filmike tregojnë një ngjarje tepër tragjike, i riu shqiptar shihet tek qëllohet me grushte dhe shkelma, ndërsa e lidhin me rrip dhe më pas ata tentojnë t’i thyejnë këmbën me anë të një shisheje.
Referuar pamjeve të bëra publike nga kamerat e vëzhgimit, policia ka denoncuar 7 personat që morën pjesë në rrahjen brutale të 22-vjeçarit, Ergis Toma për dhunë të ashpër fizike ndaj tij.
Video:
