Nënkryetari i PD, Edi Paloka është shprehur se opozita t’i rikthehet aksionit kundër qeverisë “Rama” në muajin shtator.
Paloka është shprehur se gjatë protestave, kryeministri Edi Rama u është përgjigjur me dhunë qytetarëve.
Nënkryetari i PD, paralajmëroi se shumë shpejtë Rama do të largohet nga posti i kryeministrit, pasi sipas tij, qytetarët janë të gatshëm të sakrifikojnë për rrëzimin e kësaj qeverie.
“I vetmi problem ngelet Rama. Është një kryeministër që duhet të ishte qëruar me kohë, me gjithë këto skandale që i kanë ndodhur. Por ai ka vendosur që revoltës popullore, zemërimit popullor mos ti përgjigjet me veprime prej shtetari, por ti përgjigjet me gaz, me Llesh, me burg, me dhunë. Këtu jemi dhe ky nuk është vetëm problem i PD dhe opozitës, jemi përballë dikujt që nuk njeh ligj dhe kushtetutë. Mendon se me dhunë do të mbajë prap këtë popull me sundim. Kësaj i duhet t’i përgjigjemi, sesi…ne kemi zgjedhur një rrugë, por të jeni të bindur që ky zotëria të gjatë nuk e ka. Është e vërtetë, Rama është ende aty, nuk e kemi rrëzuar me protesta, por protestat treguan një gjë të madhe, që shumica e shqiptarëve janë jo vetëm kundër Rama, por janë gati të sakrifikojnë për ta rrëzuar Ramën. Në vend që ti përgjigjet zemërimit qytetar me dorëheqje, me zgjedhje. Opozita thotë që nuk më doni, hajde të bëjmë zgjedhje të lira?! Por e pa në 30 qershor”,-tha Paloka./ Opinion.al E.Xh.
