TIRANE- Kreu i grupit të PD-së, Edi Paloka, tha se duhet të ndalohet me ligj prania e Armando Prengës në Parlament. Sipas tij nëse parlament vazhdon të mos e miratojë amendamentin për dekriminalizimin, PD do të bllokojë punimet e seancës së nesërme.
“Ligji për dekriminalizimin ju ndalon praktikisht zyrtarëve që janë kapur në flagrancë duke kryer krime, të kryejnë funksionet e tyre publike deri në përfundim të vendimit të gjykatës. Të gjithë e dimë që një deputet i mazhorancës u shfaq në Parlament me bekimin e Ramës. Për t’i vënë fre që akte të tilla të tilla të mos ndodhin më, ne kemi paraqitur këtë amendament.” deklaroi Paloka.
Sipas tij, do ishte absurde nëse nuk do t’i futen në kalendarin e punimeve parlamentare, ndërsa sqaroi se “kërkesa nuk është thjesht futja në kalendar e këtyre çështjeve, por zbatimin e këtyre çështjeve”.
