Kryeministri, Edi Rama gjatë intervistës për gazetaren Ilva Tare në “Ora News”, ka folur për protestat kundër këndit të lojërave te Parku i Liqenit.
Akuzave se pas këndit të lojërave do të vijë ndërtimi i disa pallateve, Rama iu përgjigj me ironi se aty do të ndërtohet aeroport.
Nga ana tjetër, Rama u shpreh se projekti pavarësisht protestave do të realizohet.
Këtë e përforcoi me numrin e votave që Erion Veliaj ka marrë në zgjedhjet lokale si dhe nga sondazhet që qeveria ka organizuar.
Rama tha se, organizohen çdo javë anketa me qytetarët, ku për punimet te Liqeni tha se ka një shumicë të madhe që e mbështet.
