Persona të paidentifikuar kanë hapur zjarr ndaj studentëve në Universitetin Bacha Khan, në Charsadda të Pakistanit.
Nga sulmi kanë vdekur të paktën 20 persona.
Mediat vendase raportojnë se 50 persona të tjerë kanë mbetur të plagosur.
Sipas policisë, janë vrarë të paktën dy nga militantët e grupit të armatosur që sulmuan universitetin, ndërkohë që përleshja me policinë vazhdon.
Brenda universitetit janë dëgjuar edhe shpërthime.
Por sipas policisë, militantët e tjerë gjenden ende në katin e dytë dhe të tretë të ndërtesës së universitetit.
Mes të vrarëve është edhe një mësues dhe janë plagosur tre të tjerë.
