David Lega, Reporteri i Parlamentit Europian për Shqipërinë nga grupi parlamentar i PPE-së, ka reaguar në lidhje me paketën “antishpifje” për median on-line, të cilën maxhoranca pret ta kalojë për miratim në Kuvendin e Shqipërisë.
Përmes një postimi në rrjetet sociale, Lega shprehet se nëse Parlamenti miraton këtë paktë, atëherë Shqipëria rrezikon seriozisht të komprometojë kryesimin e OSBE-së si edhe negociatat e anëtarësimit me Bashkimin Europian.
Ndërkohë, ai ka deklaruar se; “rezistenca e fortë nga Partia Demokratike është e mirëpritur”.
“Nëse Parlamenti shqiptar miraton ligjet e reja për median, ai vë në rrezik kryesimin nga Shqipëria të OSBE-së. Gjithashtu, ky vendim do të komplikojë negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur”,”-shkruan Lega./ Opinion.al
