Rudina Hajdari, deputetja e opozitës së re në Kuvend, i ka bërë thirrje kryeministri Edi Rama që të reflektojë dhe të tërheqë sa më parë paketën “anti-shpifje”.
Hajdari, u shpreh nga kryesia e Kuvendit se Rama po synon që të “mbyt” fajlën lirë duke marrë si shembull presidentin e Rusisë, Putin dhe atë të Turqisë Erdogan.
Ajo akuzoi gjithashtu Ramën se e ka kthyer opozitën në spektatore dhe vazhdon të abuzojë me pushtetin.
Sipas tij, paketa e re i ka dhënë kompetenca të shtuara AMA-s duke i dhënë të drejtën që të mbyllë media online pa asnjë urdhër gjykate, qe nuk mund te pranohet.
“I bëj thirrje qeverisë dhe Ramës të ndalojë degradimin e reformës në drejtësi, të lërë që ajo të marrë udhë të pakthyeshme dhe të mos ndërmarrë këto iniciativa. Për Amendimet në ligjin për mediat të merren parasysh rekomandimet e OSBE, në draftin e riparë këto nuk janë marrë parasysh. Para seancës plenare të enjten, qeveria të tërheqë paketën antishpifje, jemi para kryesimit të SOBE dhe nuk duhet të jemi në këtë pozicion ku ti dobësojmë rolin vendit, duhet ti tregojmë partnerëve që jemi në gjendje ti dëgjojmë ata kur bëhet fjalë për proceset integruese dhe demokratike. Sipas saj, duhet të ndalim me urgjencë ‘proceset që po çojnë ne ramizimin e Shqipërisë, model si në Turqi, apo Rusi, putinizëm, erdoganizëm apo raminizëm që do të bëjë ai në vend. Të reflektojë dhe të tërheqë këtë paketë, Rama të tërheqë këtë paketë dhe të marrë parasysh opinionet e OSBE dhe BE, që janë në opinione konkrete. E kemi ndjekur me shqetësim këtë proces dhe qëndrimi jonë është që Rama vazhdon sulmojë me të gjitha mënyrat të gjithë aktorët kontrollues dhe kritikues ndaj tij. Rama kërkon të mbysë të gjitha zërat kundërshtarë me të gjitha mundësitë që ka në dorë për të mbytur zërin e lirë dhe demokratik në vend. Kështu është edhe rasti i paketës anti-shpifje. Ndërkohë që opozitën e ka kthyer në spektator ai vazhdon të abuzojë me pushtetin. I ka shpallur luftë edhe mediave dhe të gjitha shoqatave që kanë dalur hapur kundër ligjit anti-shpifje. Si mundet AMA e AKEP, këto institucione që janë të kontrolluara nga pushteti politik të kenë këtë lloj kompetence në kundërshtim me parimet politike”, tha Hajdari./ Opinion.al
