Është mbledhur paraditen e sotme komisioni hetimor për pajisjen përgjuese IMSI Catcher drejtuar nga Flamur Noka. Në seancë, në cilësinë e dëshmitarit është thirrrur ministri Saimir Tahiri. Mbledhja po transmetohet live në TV dhe ministri Tahiri refuzon tu përgjigjet pyetjeve mbi hyrjen e kësaj pajisje në Shqipëri. Për të gjitha pyetjet e Flamur Nokës, Tahiri është përgjigjur: Referohuni prokurorisë pasi kjo është një çështje në hetim.
Pjesë nga debati
Noka: Keni dijeni për personat shqiptarë që kanë shoqëruar pajisjen nga Dogana deri tek Drejtoria e Policisë?
Tahiri: Me gjithë respektin, Ju këshilloj ti drejhoheni prokurorisë.
Noka: A e dini se ku ka qendruar pajisja?
Tahiri: Me gjithë respektin, drejtohuni prokurorisë, nëse keni verejtje për përgjigjet e mia mund të më kallëzoni.
Noka: Jeni shprehur në një emision se pajisja është përdorur për trajnim?
Tahiri: Me gjithë respektin drejtohuni prokurorisë. Kjo është përgjigja për të gjitha pyetjet e tua…
Ministri i Brendshëm ka qendruar për afro 30 minuta në komision. Nuk u përgjigj për asnjë pyetje të drejtuar nga Noka dhe anëtarët e tjetër të komisionit hetimor. Ai u largua duke thënë se kam shumë punë dhe nuk mund të qendroj këtu për të bërë politikën tuaj të ditës.
Flamur Noka pas largimit u shpreh se “Ai erdhi qendroi këtu si pulë dhe u largua pa mundur të japë përgjigje për përgjimin e paligjshëm nga policia. Ai reflektoi frikë dhe panik tha Noka në fjalën e tij.
Me Flamur Nokën ka replikuar socialisti, Pjerin Ndreu i cili kërkoi të mos fyhet ministri dhe të mos interpretohen deklaratat e tij. Sipas Pjerin Ndreut, ministri ka post politik dhe jo teknik, ndaj s’duhet të ishte pjesë e pyetjes në komision.
Ndërsa Keltis Kruja i PD-së tha se Tahiri po tenton të bllokojë hetimin parlamentar për këtë pajisje përgjuese. /Opinion.al
