Kryeministri Edi Rama ka kërkuar një mendim nga fansat në Facebook, për këngën e fushatës së Partisë Socialiste.
Me anë të një postimi të bërë në rrjete sociale, ai shihet në videon ku dëgjohet kënga dhe thërret në zyrë stafin e kryeministrisë për ta dëgjuar së bashku.
“Paj Zotin, nigjojeni içik kët kongën që m’çoi i fans. A e keni idenë e kujt o se kushedi ju pëlqe për kong fushate? Apo snuk?”, shkruan Rama krahas videos.
Mesa duket kënga e dërguar nga një fans, ka të njëjtat fjalë si slogani i socialistëve “Kurrë më pas, vetëm përpara”, i përzgjedhur për fushatën e zgjedhjeve vendore të 14 majit.
Ditën e sotme rreth orës 17:00, pritet që kryeminstri Edi Rama të mbledhë kryesinë në selinë e Partisë Socialiste.
Pas këtij takimi, kryesocialisti u ka kërkuar deputetëve të tij dhe 61 kandidatëve për kryebashkiakë të mazhorancës, që të bashkohen në seli për të marshuar më pas drejt sheshit “Skënderbej”./Opinion.al
