Një nuse e re ka kallëzuar në Policinë e Tiranës vjehrrën e saj për dhunë fizike dhe verbale. Vajza e re i është drejtuar policisë pasi nuk mund ta duronte më dhunën e vjehrrës së saj. Ajo ka bërë kallëzim ndaj vjehrrës, ndërsa policia bën me dije se më datë 03.08.2017, u plotësua kërkesë padia për lëshimin e urdhrit të menjëhershëm të mbrojtje për shtetasen E.B, vjeç 28, banuese në Tiranë.
Mësohet se vjehrra e të resë, me të cilën jetonin në një shtëpi pas martese, shtetasja me inicialet M.B, 75 vjeçe, ushtron në mënyrë të vazhdueshme dhunë fizike e psikologjike ndaj nuses së djalit.
Materialet u referuan në Gjykatën e Rrethit Gjyqësor Tiranë. Ligji nr. 9669, datë 18.12.2006, “Për masa ndaj dhunës në marrëdhëniet familjare”.
