Fredi Beleri ka kërkuar shfuqizimin e dekretit te Presidentit Bajram Begaj i cili caktoi 4 gushtit si datën e zgjedhjeve në Bashkinë Himarë.
Avokatja e Fredi Belerit dhe PBDNJ, Klodiana Gjyzari tha se presidenti Begaj caktoi një datë pa skaduar afati që klienti i saj të ankimonte vendimin e KQZ.
Sipas saj, kreu i shtetit ka mbajtur anë politike pasi dekreti presidencial duhet të shpallej pas 5 gushtit, datë kur përfundonte afati për ankimin e Fredi Belerit në gjykatë.
”Presidenti nuk duhet të anojë nga partitë politike, ky dekret e ka reduktuar rolin e tij në numërues datash. Ka vepruar tej parashikimeve të Kushtetutës, dekreti i tij duhet të shfuqizohet si i paligjshëm.
Dekreti ka dalë pasi është shpallur vakanca. Presidenti i Republikës është vënë në lëvizje pasi është shpallur pavlefshmëria e mandatit në bazë të ligjit të dekriminamizimit
Nuk është akt që ka dalë drejtpërdrejtë për paditësin, lidhet drejtpërdrejtë me zgjedhjet dhe palët e tjera politike që tashmë janë regjistruar, madje edhe PBDNJ me vendim të KQZ, thënë këtë pretendimi bie vetëm nga aktet e ndërmarra”, tha avokatja.
