Presidentja e Kosovës Vjosa Osmani është takuar me presidentin turk Rexhep Tajip Erdogan, në Stamboll.
Këtë lajm e ka bërë të ditur vetë presidentja përmes një postimi në rrjetet sociale, ku shkruan se i ka shprehur mirënjohje Turqisë për angazhimin në sigurinë e rajonit.
“Sot në Stamboll takova Presidentin Erdogan. Në dritën e zhvillimeve të fundit të sigurisë, shpreha mirënjohjen tonë për mbështetjen dhe angazhimin e Turqisë për paqen dhe sigurinë në rajonin tonë. Ne jemi të përkushtuar të vazhdojmë të forcojmë bashkëpunimin mes vendeve tona”, shkruan Osmani.
Ndër të tjera, Osmani në Facebook shtoi se ka informuar Erdoganin për zhvillimet e fundit në rajon.
“E falenderova për mbështetjen e fuqishme për Kosovën, përfshirë në periudha të rënda e sfiduese për ne, si dhe e informova për zhvillimet e fundit në vendit tonë. Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”, tha Osmani./Opinion.al
