Faturimi i energjisë elektrike për muajn mars për 368 mijë abonentë do të bëhet duke patur si referencë muajin Mars të vitit të shkuar. Kjo pasi Operatori i Shërndarjes së Energjisë Elektrike do ta ketë të pamunur leximin e matësve për abonentët në zonat e lartëta për shkak të masave të ndërmarra kundër pandemisë së koronavirusit.
“Rreth 70% të abonentëve familjarë do t’u lexohet matësi nga ekipet tona në terren. Për 30% të abonentëve të tjerë për të cilët ky proces do të jetë i pamundur, do të aplikohet faturimin me vlerë reference”, thuhet në njoftimin e OSHEE.
Enti Rregullator i Energjisë ka miratuar vendimin mbi bazën e të cilit do të kryhet faturimi. ERE detyron kompaninë që të bëjë rakordimin e të dhënave të sakta të faturimit menjëherë në muajin pasardhës.
“Diferencat që do të rezultojnë ndërmjet faturimit me vlerë referuese zëvendësuese sipas këtij vendimi dhe vlerës reale të konsumit do të sistemohen brenda muajit të parë”, thuhet në vendimin e ERE.
Enti Rregullator ka lejuar që për bizneset e mbyllura në muajin Mars, faturimi me sistem referimi të bëhet vetëm për gjysmën e muajit. /Opinion.al
