Operatori i Shpërndarjes së Energjisë Elektrike deklaroi sot se do të ketë ndërprerje të energjisë në disa zona të Tiranës.
Në një njoftim për shtyp, OSHEE pohoi se shkak i ndërprerjes janë bërë punimet që po kryhen për zëvendësimin e transformatorit në n/stacionin e Kasharit.
Mësohet se ndërprerje dritash do ketë sot nga ora 09:00-14:00 në disa zona të kryeqytetit, përkatësisht: Yzberisht, Pallatet në Fushën “Misto Mame”, Yzberisht, Top Channel, Pallatet “Giron”, “Lin Konstration”, Kashar, Kamëz, Bashkia Kamëz, Valiasi i Ri, Frutikultura.
Kufizime të energjisë do të ketë dhe në zonën e Zogut të Zi, ku grupet e OSHEE do të rinisin sot punimet për zhvendosjen e shtyllës elektrike nga trotuari në rrugën “Don Bosko”. Operatori i Shpërndarjes së Energjisë Elektrike, OSHEE, njofton se për arsye sigurie do të stakohet energjia në disa fidra nga ora 12:00 16:00. Për pasojë nuk do të kenë energji elektrike disa zona si: “Zogu i Zi”, “Fusha e Aviacionit”, Lapraka.
