OSHEE ka reaguar për deklaratën e liderit demokrat Lulzim Basha i cili mori shkas nga lajmet në media se një 31 vjeçar i ka dhënë fund jetës për shkak të detyrimeve ndaj OSHEE-së.
Sipas OSHEE-së, viktima Klajdi Muça kishte një kontratë për të shlyer detyrimet me këste. “Abonetit nuk i është prerë energjia elektrike dhe në asnjë rast nuk ka qenë nën presionin e OSHEE-së, thuhet më tej në njoftim. “ Vlera e cituar në gazetë (80 mijë lekë të reja), nuk është aspak e vërtetë, por bëhet fjalë për konsumin e muajit janar, e cila nuk ka dalë ende si faturë, pasi paguhet në shkurt, dhe vlera e saj është 9 mijë lekë të reja. Edhe në këtë rast, abonenti kishte kohë në dispozicion për ta paguar. OSHEE kërkon të sqarojë, jo vetëm gazetën, opozitën, por edhe opinionin publik, se nuk është vlera 9 mijë lekë shkaku që shtyu të riun drejt vetëvrasjes, por problemet e tjera, për të cilat i takon organeve të hetimit të japin sqarime, bazuar mbi dëshminë e familjarëve”, mbyllet ky sqarim nga OSHEE.opinion.al/vetevrasja-ne-kamez-basha-ne-sdo-i-leme-njerezit-te-vriten-per-faturen-e-dritave
*Sistemi i OSHEE mbi debitoret, ku gjendet edhe emri i te ndjerit
