Moderatorja Oriela Nebiaj ka provuar veten në disa fusha, politikë, biznes edhe ekran. Sot ajo ishte e ftuar në emisionin “Rudina” në Tv Klan ku tregoi edhe për fëmijërinë dhe familjen.
Gjatë emisionit ajo po foli edhe për babain e saj të ndjerë dhe kujtoi disa prej momenteve më të bukura me të.
Nebiaj tregoi se babai i saj ka ndërruar jetë 5 vite më parë nga një sëmundje e keqe.
“Babai nuk jeton më, janë bërë thuajse 5 vite që është ndarë nga jeta me një sëmundje të keqe që as nuk do doja ta përmendja sepse është bërë kaq e shpeshtë ta dëgjojmë saqë më shqetëson. Kur e ke jetuar dhe e di çfarë është, je edhe më sensitive ndaj kujtdo tjetër që mund të ketë një fat të keq. Ne ishin në shtëpi 5 gra dhe kishim një mbret që na bënte të lumtura të gjithave pa ndalim. Ai ishte shok, partner, me të mund të debatoje, të luaje, me të kërcenim të gjitha bashkë sa herë që dilnim. Kam kujtime pafund, më ka lënë kaq plot saqë as nuk e mendoj që nuk e kam, më duket sikur është me mua”, tha moderatorja.
Burimi: tvklan.al
