Ndërsa në Paris mbrëmjen e 13 nëntorit po zhvillohej një nga masakrat më të përgjakshme të ndërmarra nga radikalët islamë, ku mbetën të vrarë 130 persona, në Belgjikë thuhet se tetë ushtarë dhe dy oficere femra të policisë dyshohet se kanë kryer orgji, teksa kolegët e tyre në Belgjikë ishin në kërkim të dyshuarve për terrorin e kryer në Paris.
Kjo dyshohet se ka ndodhur në një stacion policie në Ganshoren, afër Molenbeek, ku oficerët e policisë ishin në kërkim të dyshuarve për sulmet e 13 nëntorit në Paris, që lanë të vrarë 130 persona, shkruan “Daily Mail“.
Raportohet se deri në 20 ushtarë kanë qëndruar në stacion policie në një periudhë dyjavore gjatë muajit të kaluar, teksa Brukseli ishte i blinduar, kurse tani policia ka konfirmuar se kanë filluar hetimet lidhur me këto akuza.
Stacioni policor i Ganshoren ishte shndërruar në një kazermë të improvizuar për ushtarët që po patrullonin rrugëve të kryeqytetit belg, derisa ky vend ishte i blinduar dhe qeveria kishte ngritur nivelin e sigurisë.
