Gjykata e Posaçme la të pandryshuar masën e arrestit në burg për Astrit Avdylaj, të arrestuar dy ditë më parë në banesën e tij në Shijak.
Avdylaj ishte në kërkim me urdhër të SPAK, pasi akuzohet se ka organizuar atentatin ndaj Durim Bamit me porosi të Ervis Martinajt dhe ish-deputetit Arben Ndoka.
Gjatë seancës gjyqësore në GJKKO, kreu i bandës së Shijakut nuk ka dhënë asnjë deklarim. Astrit Avdylaj u kap mëngjesin e së shtunës kur efektivët e RENEA-s dhe policisë së Durrësit “zbarkuan” në banesën e tij në Shijak.
Ai tentoi të largohej duke ikur me vrap nga pjesa e pasme e banesës, por u vendos në pranga nga RENEA. Në momentin e arrestimit Astrit Avdylit iu gjet edhe një pistoletë.
Astrit Avdylaj ishte në kërkim në kuadër të megaoperacionit të SPAK.
