Kërkimet për të gjetur nëndetësen turistike të Titanikut që u zhduk në Oqeanin Atlantik, kanë hyrë në çastet vendimtare.
Sipas CNN, edhe pak orë kanë mbetur nga sasia e oksigjenit në nëndetësen e zhdukur me pesë persona në bord.
Pajisje më të avancuara po dërgohen me nxitim në Oqeanin Atlantik të Veriut në një operacion kompleks kërkimi ndërkombëtar, që tani është në momentin e tij më kritik.
Nëndetësja Titan filloi eksplorimin e rrënojave të Titanikut me rreth 96 orë oksigjen dhe është zhdukur që nga mëngjesi i së dielës, duke e vendosur mëngjesin e së enjtes si një objektiv kyç për gjetjen e anijes dhe personave në bord.
Zhurmat e dëgjuara nga poshtë ujit në zonën masive të kërkimit kanë dhënë shpresë për të mbijetuarit – por sipas ekspertëve gjetja e nëndetëses është si të gjesh një gjilpërë në kashtë.
“Ne duhet të mbetemi optimistë dhe shpresëdhënës,” tha kapiteni Jamie Frederick, koordinatori i përgjigjes për Distriktin e Parë të Rojës Bregdetare gjatë një konference për shtyp të mërkurën.
Ndërsa avioni kryen kërkime nga lart dhe automjetet e drejtuara nga distanca hetojnë nën ujë, numri i aseteve në operacionin e kërkimit pritet të dyfishohet në një ose dy ditë të ardhshme, tha Frederick të mërkurën./Opinion.al
