Shqipëria është pranuar në garën e Çmimit të Madh të Orëve 2024 në Gjenevë të Zvicrës, ose ndryshe si cilësohet ndryshe “Oskari” botëror i orëkrijuesve. Shqipëria do të marrë pjesë në këtë garë me një punim të Argjendari “Pirros”.
Nëpërmjet një postimi në rrjetet sociale, kryeministri Edi Rama pamje “kryeveprën” e mahnitshme të Argjendari “Pirros”, me motive shqiptare.
“Një orë me një fushë prej 1500 pllakëzash mikroskopike në gur të kuq nga Murano, mbi të cilën janë vendosur 12 valltarë shqiptarë nga 0.9 mm, punuar me dorë në ar të verdhë 18 karatësh, e cila është pranuar në garën e Çmimit të Madh të Orëve 2024 në Gjenevë, Zvicër, ose ndryshe “Oskari” botëror i orëkrijuesve, ku falë argjendarit tonë gjenial hyn për herë të parë edhe Shqipëria”,- shprehet Rama.
View this post on Instagram
