Kryeministri Rama pritet të mos jetë të shtunën në Tiranë gjatë protestës së opozitës.
Të premten dhe të shtunën kreu i Qeverisë do të transferohet në Qarkun e Beratit, në kuadër të takimeve për llogaridhënien para qytetarëve.
Top Channel shkruan se nga burime pranë Qeverisë konfirmohet nga burime lokale në Berat, ku institucionet vendore janë njoftuar për prezencën dhe takimet e Kryeministrit ditën e shtunë.
Kjo nuk përjashton gjithsesi që Rama të ndryshojë mendje dhe të kthehet të shtunën në Tiranë, por deri mbrëmjen e sotme burimet konfirmojnë se axhenda e kryeministrit parashikon aktivitete në Berat.
