Opozita mbajti sot protestën e paralajmëruar përpara parlamentit, ndërkohë që edhe brenda sallës seanca nuk shkoi pa tensione, çka e detyroi kryetaren Nikolla të ndërpresë seancën.
Sipas të gjithë gjasave, kuvendi do të mblidhet sërish të enjten ku pritet të jetë i pranishëm edhe kryeministri Rama, i thirrur nga opozita në mocion me debat.
Por ndërsa presim të enjten, ajo çka bie në sy është mënyra me të cilën Rama ka vendosur të reagojë ndaj aksionit politik të opozitës.
Nëse të shtunën vendosi të punonte poçet e thyera të baltës e të dërgonte mesazhe të nënkuptuara përmes tyre, këtë radhë semiotika e Ramës nuk është shumë e qartë. Kryeministri zemërthyer ka ndezur në ballkonin e zyrës së tij qirinj në përkujtim të viktimave të tërmetit në Turqi në ditën e caktuar si zi kombëtare. Ajo çfarë shoqëron postimin është vetëm simboli i një zemre të ndarë në mes./Opinion.al
View this post on Instagram
