Opozita dhe mbështetësit e saj po mbajnë sot protestën e radhës para Bashkisë së Tiranës, pasi kërkojnë largimin e kryebashkiakut Erion Veliaj.
Policia ka marrë masa sigurie për shkak të hedhjes së molotovit dhe tensioneve që kanë shoqëruar protestat paraardhëse.
Siç shihet nga pamjet, dhjetëra efektivë policie janë vendosur pas gardhit metalik, ku pas tyre shihet edhe posteri në godinën e bashkisë që njofton ardhjen e 1 qershorit, festës së fëmijëve.
Protestat kundër Veliajt nisën pas arrestimit të disa drejtorëve të Bashkisë së Tiranës, të cilët akuzohen për përfshirje me abuzim në tendera.
