Partitë opozitare në Kosovë janë në kulmin e papajtueshmërisë. AAK-ja e Ramush Haradinajt, ka thirrur një protestë për datën 14 maj. Gazeta “Zëri” në Kosovë thotë se përmes burimeve ka konfirmuar se “Vetëvendosje” nuk e ka qenë e njoftuar për këtë protestë të AAK-së.
Ditë më parë në një intervistë për gazetën “Zëri”, sekretari organizativ e kishte quajtur partner të papranueshëm Ramush Haradinajn dhe AAK-në, posaçërisht kur bëhej fjalë për një listë të përbashkët zgjedhore. Molliqaj kishte thënë se dallimet mes AAK-së dhe Vetëvendosjes janë jashtëzakonisht të mëdha.
Ndërkohë Aleanca për Ardhmërinë e Kosovës ka njoftuar sot se pas konsultave të njëpasnjëshme ka marr vendim që të thërrasë një protestë gjithëpopullore me 14 maj. Pas njoftimit të AAK-së për protestë, Nisma për Kosovën ka konfirmuar pjesëmarrjen në këtë protestë. /Zëri
