Opozita e Bashkuar ka kërkuar mbledhjen e Këshillit Politik për ditën e nesërme.
Në mesazhin e dërguar përfaqësuesve të palëve në tryezë, Oerd Bylykbashi dhe Petrit Vasili kërkojnë që mbledhja të mbahet nesër në orën 12:00.
Në takimin e fundit palët nuk ranë dakord për asgjë në lidhje me ndryshimet e Kodit Zgjedhor. Partia Socialiste erdhi në tryezë me një propozim të cilin opozita e kundërshtoi që ta diskutonte pasi ndryshohej formula e koalcioneve.
Nga ana tjetër opozita dorëzoi një kërkesë zyrtare për t’ju drejtuar për ekspertizë OSBE/ODIHR-it mbi çështjen e listave, mandateve dhe koalicioneve.
Mazhoranca e kundërshtoi këtë kërkesë duke pretenduar se fillimisht duhet të dilet me një draft konkret para se t’i drejtohen ODIHR-it. /Opinion.al
