Dy nga tre partitë e opozitës së bashkuar, që bllokuan seancat e Kuvendit dhe organizuan protesta, Aleanca për Ardhmërinë e Kosovës dhe Nisma, ranë dakord sot për krijimin e boshtit opozitar në Kosovë.
Sipas një njoftimi për shtyp të AAK-së, liderët e këtyre dy partive, sot në orën 16.00, në selinë e Nisma-s, nënshkruajnë marrëveshje bashkëpunimi.
“Marrëveshja mbetet e hapur për parti të tjera dhe përfaqësues të shoqërisë civile e personalitete nga jeta publike”, bën të ditur njoftimi i dërguar nga AAK.
Aleanca për Ardhmërinë e Kosovës ka ftuar e vetme protestë kundër qeverisë në 14 maj në Prishtinë”.
Deputetja Donika Kadaj Bujupi, që ishte e AAK-së, prej ditës së djeshme është pjesë e Lëvizjes Vetëvendosje, e cila tani ka 17 deputetë.
AAK sipas rezultatit të zgjedhjeve të 8 qershorit 2014 kishte 11 deputetë, por tani ka 8, pasi më parë nga ky subjekt janë larguar dy deputetë të tjerë. Nisma për Kosovën ka 6 deputetë.
