Kryeministri Edi Rama ka reaguar pas situatës së krijuar në seancën plenare të ditës së sotme në Kuvend.
Gjatë fjalës së tij nga selia e PS-së, Rama tha se nga pamje jashtë Kuvendit kuptohet ku qëndron edhe ndarja sot mes PS dhe PD.
Sipas tij mazhoranca përpiqet të ndërtojë dhe shërojë, ndërsa opozita nga ana tjetër shkatërron, plagos, shkul dhe djeg.
“Duke ardhur përpara sesa të dëgjoja fjalët tuaja, më çoi dikush këtë fotografi, ky është një zjarr i ndezur me karriget e depuetëve, të zgjedhur në Kuvendin e Shqipërisë, për t’u ulur në ato karrige dhe për të përfaqësuar ata që i çojnë atje, në shenjë revolte ndaj një vendimi gjykate. Pse e solla këtu këtë imazh?
Dua të them pak fjalë për politikën, eila, prej shumë kohësh, në Shqipëri, por edhe në vendet më të zhvilluara ka lënë ditë jo të mira në perceptimin publik. Është një mjet që i ka bërë gjëra jashtëzakonisht të mëdha në historinë e njerëzimit, por ka bërë edhe katastrofa të mëdha. Refuzimi i politikës si diçka aprori e keqe, është fosnjarak. shtë e pamundur ta vendosësh ti, se çfarë politika bën apo nuk bën me ty. Ti mund të vendosësh sesa mund ti ta ndikosh pollitikën. Nëse ti refuzon të merresh me të, ajo ka gjithë pushtetin që të merret me ty. Edhe brenda shtëpisë, shumëçka lidhet me politikën dhe vendimet e saj.
Siç ka fuqinë të mbjellë ka dhe atë që të shfarosë dhe besoj që midis këtyre të dy pamjeve, kuptohet jo absolute por relatiove, qëndron edhe ndarja sot këtu tek ne, midis nesh që përpiqemi të ndërtojmë dhe shërojmë, dhe atyre që nga ana tjetër shkatërrojë, plagosin, shkulin dhe djegin”, tha Rama./Opinion.al
