Të hënën, në emisionin “Opinion” u trajtua tema “Zgjedhjet europiane ‘shkundin’ Europën!”
Zgjedhjet europiane kanë shkundur Europën politike, ka pasur surpriza. Dy prej liderëve tradicionalisht kryesorë të kontinentit europian kanë qenë humbës të mëdhenj të këtyre zgjedhjeve, presidenti francez Macron dhe kancelari gjerman Scholz. Ky i fundit përfundoi i treti në renditjen e partive, ndërsa Macron është më pak sesa gjysma e rezultatit që ka marrë e djathta ekstreme. Çfarë po ndodh me zgjedhjet europiane?
Të ftuar: Eda Gemi, Alba Bajraktari , Alba Kepi, Fitim Zekthi, Gert Bogdani
Në pjesën e dytë “Opinion” ishte në Green Coast Resort, e cila ofron një strukturë të ndryshme turistike përmes vilave që ka si margaritar një prej vilave më të bukura në Shqipëri.
Në pjesën e tretë të emisionit u transmetua një aktivitet i quajtur Offroad Elbasan, i organizuar nga Ervin Skënderi, një ekskursion me makina ‘offroad’ në Funarë të Elbasanit.
Makina të jashtëzakonshme, të modifikuara në Shqipëri nga persona të apasionuar pas tyre që shpenzojnë një pjesë të madhe të kohës për të zbuluar vendet më mahnitëse të Shqipërisë./Opinion.al
