Të martën, më 30 prill në emisionin “Opinion” u trajtua tema “Zgjedhje presidenciale në Maqedoninë e Veriut!”
Zgjedhjet në Maqedoninë e Veriut/Raundi i parë i zgjedhjeve presidenciale nuk pati vëmendjen që duhet të kishte. Kandidatja e opozitës Gordana Siljanovska mori në raundin e parë mbi 360 mijë vota. Stevo Pendarovski i LSDM-së mori 180 mijë vota. Bujar Osmani i BDI mori mbi 120 mijë vota dhe Arben Taravari i koalicionit opozitar shqiptar VLEN, i mbështetur nga Vetëvendosja e Albin Kurtit, mori 83 mijë vota. Nga ana tjetër, rezultati i balotazhit po pritet me mjaft interes, për shkak se pritet që ai të ketë ndikim edhe në zgjedhjet e përgjithshme, ndërsa një koalicioni i mundshëm i VMRO-DPMNE me pro-rusët dhe pro-serbët po shihet me shqetësim si për pozicionin e shqiptarëve në Maqedoninë e Veriut ashtu edhe për raportet e këtij vendi me fqinjët, kryesisht Bullgarinë dhe Greqinë.
Të ftuar: Baton Haxhiu, Menduh Thaçi, Bashkim Bakiu, Gjyle Çeliku, Esmeralda Mulaj, Fatjona Mejdini
Në minutat e para të emisionit u diskutua lidhur me paraqitjen e kryebashkiakut Veliaj në SPAK dhe për protestën së opozitës para Bashkisë së Tiranës. Raportimi për këto dy çështje u bë përmes një lidhje live me dy gazetarët, Glidona Daci dhe Besar Bajraktari.
Ndërsa në pjesën e tretë të emisionit ishin të ftuara dy futbolliste, njëra amerikano-gjermane dhe një shqiptare.
Në një intervistë ishte ish-futbollistja dhe trajnerja Steffi Jones dhe futbollistja e Kombëtares Shqiptare për Vajza, Luçije Gjini./Opinion.al
