Opinion – Vilat luksoze që themeluan Tiranën! – 26 Qershor 2025

Në pjesën e tretë të emisionit “Opinion” në TV Klan, në rubrikën “Historitë e së enjtes”, u transmetua një material mjaft interesant. “Sarajet” është një shtëpi në qendër të kryeqytetit, me rreth 2 mijë metra katrorë, e cila u ndërtua nga Adem bej Toptani dhe më pas u trashëgua nga Abdi bej Toptani, një prej firmëtarëve të Pavarësisë dhe figurave të rëndësishme historike, i cili e kishte këtë banesë si rezidencën e tij. “Sarajet” është një banesë e rrallë që, edhe sot, ndodhet në gjendje të mirë, duke i rezistuar kohës dhe viteve. Ajo është një nga shtëpitë më të bukura dhe një trashëgimi e rrallë e arkitekturës osmane në Shqipëri. Në kohën kur u ndërtua, ajo konsiderohej si shtëpia më e madhe në Ballkan.