Të enjten, më 23 maj 2024 në emisionin “Opinion” është trajtuar tema “Turizmi, pikat e forta dhe të dobëta të Shqipërisë!”
Para se të niste diskutimi për temën, drejtuesi i emisionit Blendi Fevziu pati një lidhje direkt me avokatin Jordan Daci lidhur me një dokument që po qarkullon nëpër media. Fevziu kërkoi disa përgjigje të aspektit juridik nga konstitucionalisti Jordan Daci. Ky i fundit foli për një dokument që ka qarkulluar në shtypin publik, ku përmendet emri i kreut të bashkisë Tiranë Erion Veliaj.
Turizmi në Shqipëri ka marrë një vëmendje të shtuar, veçanërisht nga shtypi i huaj. Artikujt për Shqipërinë kanë filluar që para katër vitesh, por këto dy vitet e fundit shihet një tendencë mjaft dashamirëse për të promovuar turizmin në vendim tonë. Fillimisht në fokus të vëmendjes kanë qenë Alpet e Shqipërisë, më pas zbulimi i plazheve dhe trashëgimisë kulturore.
Kthimi i vëmendjes tek turizmi ka qenë e papritur për vendin tonë, por kjo ka sjellë një fluks të jashtëzakonshëm turistësh në çdo pjesë të vitit. Përveç avantazheve shtypi i huaj ka evidentuar edhe një sërë problematikash.
Të ftuar: Artan Hoxha, Ornela Çuçi, Aida Gjecaj, Sibora Bitri, Arben Pellumbi, Oltion Çaçi Anxhelo Haruni, Vasil Bedinaj
Pjesa e tretë e emisionit “Opinion” në Tv Klan i dedikohet një historie të rrallë. Sumeja Kodra dhe Krenare Kodra janë dy vajza kosovare të cilat për fat të keq nuk e panë kurrë babin e tyre. Ilaz Kodra, babai i tyre i lindur në vitin 1966 ndërroi jetë në moshën 30-vjeçare, 25 vite më parë së bashku me kunatën e tij. Ai luftoi për dy vite krah Ushtrisë Çlirimtare të Kosovës, ku dhe dha jetën për të shpëtuar vendlindjen e tij. Bashkëshortja e Ilaz Kodrës tregon se sa e çuditshme ishte në fillim jeta e saj martesore, pasi ai nuk i tregonte kurrë për jetën ilegale. Sot ajo e ka kthyer shtëpinë e bashkëshortit të saj në një muze, ku dhe vajzat kanë dhënë intervistën e tyre./Opinion.al
