Të hënën në emisionin “Opinion” u diskutua lidhur me kontrollin e bërë nga SPAK në banesën e kryebashkiakut Erion Veliaj.
Ditën e premte agjentët e Byrosë Kombëtare të Hetimit ushtruan një kontroll në banesën e kryetarit të Bashkisë së Tiranës, Erion Veliaj. Deri tani nuk ka detaje të shtuara apo të dhëna të tjera përveçse se një njoftim zyrtar të SPAK, ku sqaron nëse ka pasur një kontroll të plotë apo të pjesshëm.
Nga ana tjetër vetë kryebashkiaku Veliaj ka pasur një deklarim ku sqaron arsyet e ushtrimit të kontrollit të banesës së tij. Siç bëhet e ditur deri tani ai është vetëm nën hetim pasuror dhe kontrollet nuk kanë të bëjmë me ndonjë çështje tjetër.
Të ftuar në studio: Eugen Beci, Klodiana Lala, Preç Zogaj, Fatjona Mejdini.
Në pjesën e dytë të emisionit “Opinion” në Tv Klan transmetohet rubrika “31 minuta” e cila realizohet nga Qendra për Gazetari Cilësore në bashkëpunim me Zyrën e Marrëdhënieve me Publikun në Ambasadën e Shteteve të Bashkuara të Amerikën në Shqipëri. Për 31 minuta gazetarët Elida Marvataj dhe Ilir Karabrahimi paraqesin një pamje të infrastrukturës së Tiranës. Nëse të gjitha zhvillimet në infrastrukturë janë të përshtatura me nevojat që kanë njerëzit me aftësi të kufizuara apo nënat me fëmijë të vegjël që duhet të lëvizin me karroca.
Në pjesën e tretë të emisionit “Opinion” u fol për një prej kompanive më të mëdha në botë, me rreth 30 mijë dyqane në të gjithë globin, bëhet fjalë për KFC. Ajo është një kompani amerikane e themeluar nga një kolonel. KFC ka mbërritur në Shqipëri në vitin 2016, duke operuar me 11 dyqane me një sërë risish teknologjike. Ajo është kompania e parë ndërkombëtare që ka mbërritur në Shqipëri dhe ka shtrirë aktivitetin e saj me më shumë se 300 të punësuar. Tibor Žigmond, menaxheri i KFC jep më shumë informacione rreth shtrirjes së kësaj kompanie në Shqipëri.
