Mbrëmjen e 13 shkurtit në emisionin Opinion u trajtua një temë për dashurinë. Duke marrë shkas nga festa e Shën Valentinit, një panel prej 8 personash diskutuan për mënyrën si dashurojnë shqiptarët.
Të ftuar ishin Iva Tiço, Albatros Rexhaj, Agim Baçi, Arbër Çepani, Turjan Hyska, Brikena Prifti dhe Senera Hoxha. Të ftuarin ndanë mendime të ndryshme, por edhe krahasuese në lidhje me mënyrën si dashurohej dikur dhe si dashurohet sot. Gjithashtu u fol edhe për dashurinë materialiste dhe atë të pastër e pa kushte.
Gazetari Agim Baçi dhe blogerja Lura Elezi mbrojtën teorinë se dashuria ka qenë gjithnjë materialiste, pavarësisht formës si shfaqej. Gazetarja Iva Tiço tha se ka ndryshuar mënyra si shfaqet dashuria sot nga dikur. Ajo u shpreh se më parë bëheshin gjeste të mëdhaja për dashurinë, ndërsa sot tregohet me një iPhone./E.L
