Në emisionin e së hënës në “Opinion” (15 Maj, 2023) është diskutuar për temën “Sekondat e fundit të zgjedhjeve vendore”.
Në pjesën e parë për rreth 59 minuta “Opinion” është fokusuar te rezultatet e zgjedhjeve lokale.
Të ftuar në studio për të diskutuar për këtë temë kanë qenë: Armand Shkullaku, Mark Marku, Robert Rakipllari, Mira Pogaçi.
Në pjesën e dytë të “Opinion”, është transmetuar një material që lidhet me një operacion të rrallë në kokë të kryer në Spitalin Amerikan, i cili nuk kryhet përmes hapjes së kokës, por përmes kalimit të një çipi që kalon nga enët e gjakut nga këmba mbërrin në tru, dhe komandohet përmes kompjuterit nga kirurgu. “Opinion” ka intervistuar kirurgun francez që ka realizuar ndërhyrjen profesor Emanuel Houdart dhe profesor doktor Mentor Petrelën.
Ndërsa në pjesën e tretë është diskutuar për zgjedhjet e 14 Majit të zhvilluara në Turqi ku e ftuar ka qenë Zana Avdiu.
