Të hënën, më 25 mars 2024 në emisionin “Opinion” u trajtua tema “Sazani, pro dhe kundër investimit!”
Në pjesën e parë dhe të dytë të emisionit ishin të ftuar në studio: gazetarja Fatjona Mejdini, politikani Agron Shehaj, anëtari i Këshillit Shkencor të UNESCO-s Auron Tare, deputet i PS Arben Pëllumbi dhe gazetarja e Tv Klan Bleona Metushi.
Në hyrje të pjesës së parë të emisionit, gazetarja Metushi foli lidhur me arrestimin e kryebashkiakut të Himarës, Jorgo Goro dhe për akuzat e ngritura ndaj tij.
Në vazhdim të pjesës së parë dhe të dytë u zhvillua një debat në lidhje me projektin e propozuar nga Jared Kushner, dhëndri i ish-Presidentit Donald Trump, për të investuar në Sazan.
Ndërsa në pjesën e tretë ishte i ftuar Nevzat Luftiu, kryetari i Këshillit Kombëtar të Shqiptarëve të Preshevës, përfaqësuesi i minoritetit shqiptarë brenda Serbisë, për të folur mbi situatën në të cilën ndodhen shqiptarët e Luginës.
