Të mërkurën në emisionin “Opinion” u diskutua lidhur me çmimet në Shqipëri.
Politika e çmimeve në Shqipëri/ Sa shtrenjtë është të jetosh në Shqipëri? Sa janë rritur kostot, mbi të gjitha, sa kanë ndryshuar në raport me të rinjtë? Duket se një pjesë e madhe e migracionit që lëviz nga Shqipëria drejt BEe, fokusohet te problematika e çmimeve. Shumë të rinj, çifte të rinjsh apo edhe individë, pretendojnë që çmimet nuk u mundësojnë blerjen e një shtëpie apo marrjen e një kredie më afatgjatë ose me kushte të favorshme në raport me rrogat që kanë apo t’u sigurojnë kushtet normale të jetesës në Shqipëri. A është shtrenjtuar jeta në Shqipëri dhe a është në një nivel të përballueshëm nga pjesa më e madhe e të rinjve shqiptarë, por jo vetëm?
Të ftuar në studio: Arbër Hitaj, Bardh Spahia, Mira Pogaçi, Barbara Doda, Françeska Muço, Etjen Xhafaj. Në Skype: Azmer Duleviç
Gjithashtu i ftuar ishte edhe Berat Buzhala, i cili foli rreth emërimit të Richard Grenell dhe asaj çfarë po ndodh në Maqedoninë e Veriut.
Në pjesën e tretë të emisionit ishte historia e Genc Buxhelit, një artist shqiptar që punon në Sony në Montreal dhe është njëri prej personave që ka punuar për ndërtimin 3D të personazhit kryesor të Marvel’s Guardian of Galaxy, një prej lojërave më të famshme në botë. Ai ka ikur nga Shqipëria në Kanada dhe atje është bërë pjesë e një prej kompanive më të mëdha të botës në këtë fushë.
