Të enjten, në emisionin “Opinion” u diskutua për zhvillimet politike në sferën globale.
Duket se Evropa dhe Shtetet e Bashkuara të Amerikës po përjetojnë krizën më të thellë që ato kanë pasur që në vitet e para Luftës së Dytë Botërore, ku qëndrimi amerikan ndaj zhvillimeve të brendshme në Evropë ishte shumë më i tërhequr. Por, ardhja e Donald Trump në krye të Shtëpisë së Bardhë ka sjellë nja tërmet të fortë në raportet politike me Washington-it dhe Evropës.
Trump ka ecur para me bisedimet e paqes për luftën Rusi-Ukrainë, e gjithë Evropa është mbledhur ndërkohë e thirrur nga Macron, por duket se të gjithë liderët evropianë nuk po bien dot në një mendje për të reaguar ndaj vendimeve e qëndrimeve të Donald Trump.
Nga ana tjetër ditët e fundit ka pasur jo pak akuza e kundër akuza midis Donald Trump dhe Presidentit të Ukrainës, Volodymyr Zelensky.
Të ftuar: Mirela Milori, Agim Nesho, Ermal Hasimja, Fitim Zekthi, Redion Qirjazi, Alfred Lela, Prec Zogaj, Franceska Muço
Në historitë e të enjtes në emisionin “Opinion” në Tv Klan ishte një histori mjaft interesante. Në qendër të Tiranës, në zonën e “Deliorgjit” është një kantinë verash e cila mund të ketë një prej koleksioneve më të rralla dhe më të pasura të të gjithë Ballkanit. Verëra të rralla të cilat janë shumë të vështira për t’u gjetur në perëndim janë pjesë e këtij koleksioni. Pjesa më e madhe e shisheve me verë të këtij koleksioni nuk shiten me përjashtim të atyre që janë në një numër çift./Opinion.al
