Ministri i ri i Drejtësisë Petrit Vasili, i ftuar në studion e emisionit “Opinion” , foli për çështjen e kanabizimit të vendit dhe për akuzat ndaj Ministrit Tahiri. Po ashtu Vasili pohoi se mes Rames dhe Manjanit, prej kohesh kishte një ngerç në komunikim dhe mardhënien mes tyre.
“Plicia shqiptare është një trupë e ndershme punonjësish, nuk ka dyshime, por ka oficerë dhe drejtues të caktuar, individë të cilët janë të korruptuar e të lidhur me krimin që kanë mundësuar shtimin dhe jo parandalimin e kultivimit të kanabisit.”, u shpreh Vasili.
Sakaq, i pyetur nëse qëndrimet e Manjanit dhe të Kokës janë të njëjta me të tjerë të LSI-së, Vasili u pergjigj se ato jane individale ndërsa qëndrimet zyrtare janë të qarta.
“Ka patur një marrëdhënie të vështirë mes Ramës dhe Manjanit, dhe natyrisht prevalon vullneti i Kryemistrit. LSI ka një mënyrë sjelljeje të qartë, qëndrime politike të qarta të mbajtura nga kryetari, nga unë, dhe nga të tjerë anëtarë. Unë nuk qëndroj në këtë çështje, qëndrimet e LSI-së janë të qarta. Qëndrimet tona janë zyrtare të qarta dhe të kthjellta, shqetësimet e Kokës ishin lokale dhe për një çështje të caktuar, kjo çështje mbyllet këtu, jo më larg nga sot patëm një qëndrim të qartë,”deklaroi Vasili. /opinion.al
