Mbrëmja e së mërkurës (30 dhjetor) në emisionin “Opinion” të drejtuar nga Blendi Fevziu iu dedikua personazheve të vitit 2020.
Personazhet janë përcaktuar nga stafi i emisionit “Opinion” lidhur me raportin që kanë patur me emisionin por edhe kontributet e dhëna gjatë vitit që po mbyllet.
Këtë vit duket se dominancën e kanë pasur mjekët, për shkak të pandemisë COVID-19. Personazhet e përzgjedhur ishin: Pëllumb Piero, Skënder Brataj, Najada Çomo, Arian Mezini, Genc Sulçebe, Arban Domi, Ministrja Ogerta Manastirliu, Edmond Budina, Alketa Vejsiu, Artan Grubi, Samir Mane, Rudina Jasini, Igli Gjelishti.
Ndërsa në pjesën e fundit të emisionit është transmetuar një material për përfaqësuesin e fundit të vitit të 2020 të përzgjedhur nga emisioni “Opinion”, ish-presidentin Hashim Thaçi, i cili aktualisht është duke u gjykuar në gjykatën e Hagës.
