Në emisionin “Opinion” të së hënës, 9 tetor 2023, është trajtuar tema “Pengje dhe bomba, palestinezët sulmojnë Izraelin!” .
Duke gdhirë mëngjesi i ditës së shtunë, forcat vullnetare të Hamasit ose luftëtarët e Hamasit, kanë filluar një sulm gati-gati frontal kundër shtetit të Izraelit.
Sulmi është ndërmarrë në orët e para të mëngjesit dhe ka qenë i disa anshëm. Ka pasur shpërthime, ka pasur rrëmbime personash, ka pasur thyerje të segmenteve të tëra të murit të sigurisë që ndajn Palestinën nga Izraeli, ka pasur vrasje dhe plagosje.
Nga ana tjetër, ka dështuar në mënyrën më spektakolare të mundshme shërbimi sekret i Izraelit, që konsiderohet si shërbimi sekret më i sofistikuar i globit.
Të ftuar në studio për të folur për ketë temë kanë qenë: Ardit Bido, Redi Shehu, Gert Bogdani, Ergys Muzhaqi, Rosela Bejdo. Në lidhje direkte: Arianit Shehu.
Në pjesën e tretë të “Opinion”, është transmetuar një intervistë me ministrin e Jashtëm të Shqipërisë, Igli Hasani, i cili flet për raportin e Shqipërisë në konfliktin midis Izraelit dhe Hamasit dhe riatdhesimin e shqiptarëve.
