Emisioni “Opinion” në Tv Klan mbrëmjen e të mërkurës i referohet tre ngjarjeve më të rëndësishme të opinionit publik. E para lidhet me vrasjen misterioze të 24-vjeçares palestineze Rayyan Alwan. Fillimisht u dyshua se ajo u vra nga bashkëshorti i saj, por më vonë hetimet e autoriteteve shqiptare thonë se në fakt ajo është vrarë nga babai i saj 49-vjeçari De Fadi Alwan.
Trupi i pajetë i palestinezes u gjet disa ditë më vonë. Ndërkohë që sipas autoriteteve 49-vjeçari u largua fillimisht në Greqi e më pas në Holandë. Palestinezët mbërritën në vendin tonë më 19 Shkurt përmes aeroportit të Rinasit nga Gjermania. Fillimisht u mendua se ata erdhën në Shqipëri për pushime.
Ngjarja e dytë që diskutohet në emisionin “Opinion” është përgjimi i anëtarëve të Gjykatës Kushtetuese nga SPAK, ku mendohet se ka qenë një operacion i tërë për të korruptuar Gjykatën Kushtetuese për të marrë një vendim i cili do të zhvlerësonte përgjimet e ‘SkyECC’ dhe EncroChat në raport me paditë penale. Gjithashtu brenda tyre ka pasur dhe shkëmbim tjetër të Nuredin Dumanit dhe grupit të tij.
Të ftuar: Bleona Metushi, Merin Maçi, Eni Ferhati, Armand Bajrami
Në pjesën e dytë të emisionit “Opinion” në Tv Klan janë dy personazhe mjaft interesantë. Dy vëllezër të cilët në vitin 1991 hynë në biznes. Bëhet fjalë për Agron dhe Armand Dukën. Fillimisht u morën me biznese të ndryshme si të gjithë shqiptarët, më pas ata ndërtuan një kompani “AIBA” dhe më pas morën drejtime në dy fusha të tjera. Agron Duka u bë politikan, deputet e ministër i Bujqësisë, ndërsa Armand Duka President i Federatës Shqiptare të Futbollit.
Të ftuar: Armando Duka, Agron Duka /Opinion.al
