Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio.
Të ftuar: Erisa Xhixho, Agron Duka, Belind Këlliçi, Agron Shehaj, Adriatik Lapaj, Matilda Mcini, Artan Hoxha, Fatos Hakorja, Redi Shehu
Presidenti i Republikës ka dekretuar 9 nëntorin si datën e zgjedhjeve të parakohshme për kryetarin e bashkisë së Tiranës dhe 5 bashkitë e tjera. Në bashkitë e tjera nuk ka apsur një diskutim, kurse Tirana ka ngjallur një debat. Ka pasur një diskutim nëse presidenti duhet ta dekretonte datën duke u nisur nga interpretimi ligjor se ankimimi i kryetarit të bashkisë Erion Veliaj në Gjykatën Kushttuese duhet të pezullonte zgjedhjet në Tiranë. Tashmë ka dy rrugë, një ankimim në Gjykatën Kushtetuese për dekretin e presidentit nga partitë politike shqiptare, vetë Veliaj, një e pesta e deputetëve, të pritet nëse do të ketë një masë pezullimi për dekretin; e dyta është që partitë politike duhet të përgatiten për të hyrë në zgjedhje. Kryeministri dhe Partia Socialiste kanë deklaruar si kandidaten e tyre Ogerta Manastirliun, kurse opozita është ende në pikëpyetje për emrin. Deri tani ka pasur disa emra, por më shumë po flitet për identikitin e kandidatit. A do të dalë opozita me një kandidat të përbashkët në këto zgjedhje lokale? Do të ketë një diferencë midis zgjedhjeve në Tiranë dhe në bashkitë e tjera? Do të jetë i zgjedhur nga partia apo me konsensus nga të gjithë? Do të jetë një figurë e lartë politike apo jashtë saj? 6 bashkitë që shkojnë në zgjedhje së bashku përbëjnë 38% të popullatës së vendit.
