Emisioni i te enjtes është fokusuar te festimet për 112 vjetorin e Pavarësisë së Shqipërisë. Është festa që unifikon të gjithë shqiptarët sepse më 28 Nëntor të vitit 1912, në orët e para të paradites pasi u krijua një kuorum prej më shumë se gjysmës së delegatëve, përfaqësuesish të trojeve shqiptare që reflektonin 60 mijë km2 që qeveria e Ismail Qemalit i kërkoi fuqive të mëdha për krijimin e shtetit shqiptar. U vendos me unanimitet Pavarësia e Shqipërisë dhe krijimi i shtetit. Me rastin e këtij 112 vjetori, Opinion u zhvendos në qendër të Tiranës, me të ftuar 10 kryetarë bashkish shqiptarë në të gjithë botën.
Të ftuar: Erion Veliaj, Përparim Rama, Hekuran Duka, Marko Kepi, Arbër Pajaziti, Genc Nimanbegu, Visar Ganiu, Rosario Peta, Ferit Idrizi, Guiseppe Rizo
Në pjesën e dytë “Opinion” solli një reportazh për paradën e shqiptarëve, në të dytin vit në Tiranë. Përfaqësues nga të gjithë trojet shqiptare, rreth 300 shoqata me 10 mijë vetë kanë parakaluar duke sjellë ngjyrat, folklorin dhe rrënjët e tyre shqiptare.
Në pjesën e tretë, Histori e të Enjtes. Pas një investigimi se ku mund të eliminohen mbetjet e rrezikshme, “Opinon” ka zbuluar se një kompani e quajtur Brema me administrator Selim Bregun është e para kompani që prej dy vitesh eliminon mbetjet gjysmë të rrezikshme dhe shumë të rrezikshme, përmes incenerimit. Është kompani private dhe s’ka asnjë lidhje me shtetin. Vepron në Itali dhe Shqipëri dhe është e specializuar në këtë fushë.
