“Opinion” ka vizituar zonën e Laçit dhe të Patokut. Edhe pse nuk duket si një pjesë aq turistike, qyteti i Laçit, udhëtimi që stafi i “Opinion”, ka bërë në qytetin e Laçit dhe Patokut, është një ndër udhëtimet më të bukura që ka ndërmarrë gjatë gjithë këtyre viteve që janë transmetuar itenerare nëpër Shqipëri.
Një emision mbresëlënës për arsye të disa piketave shumë të rëndësishme. Laçi nuk është një qytet shumë i njohur, por kisha e Laçit, është një nga kishat më të rëndëishme në histori, një ndër vendet më të vizituara në Shqipëri. Ajo ka 2 deri në 2.5 milionë vizitorë në vit. Është një vend kult, një vend shumë i veçantë. Ne do ta nisim rrugëtimin tonë duke u fokusuar sa nga kisha, aq tek laguna e mrekullueshme e Patokut, aq tek historia e Laçit, në të cilën ka 2 kontraste, është superfosfati i Laçit, një prej rrënimeve më të mëdha të ekonomisë socialiste të viteve të komunizimit, e kthyer sot në një gërmadhë dhe 1 kilometër nga kjo gërmadhë ngrihet lagjia e re me fondet e qeverisë turke dhe me premtimin e Presidentit Erdogan pas tërmetit të vitit 2019. Një lagjie komplet model dhe shumë interesante për ta parë brenda saj.
Në pjesën e tretë të “Opinion”, është transmetuar një intervistë me Pashk Përvathi piktor, një nga peisazhistët më të mirë që Shqipëria ka. Ai ka publikuar një libër të titullar “Rrugëtimi im” për të cilin ka dhënë dhënë detaje në “Opinion”.
