Të mërkurën në emisionin “Opinion” ishin të ftuar kandidatët për deputetët e PS dhe PD përballë njëri tjetrit.
Diskutim me përfaqësues nga beteja reale në terren e kandidatëve që vijnë nga listat e hapura.
Të ftuar në studio: Blerina Gjylameti, Julian Zyla, Ilir Alimehmeti, Grigels Muçollari.
Një ngjarje e rëndë është regjistruar më 20 Mars në qytetin e Lushnjes. Bëhet fjalë për sulmin ndaj Fabjol Hysit, 44 vjeç, i cili është një person me aftësi të kufizuara, nga dy persona, konkretisht 20-vjeçari Irdi Nasufi dhe 17-vjeçari E.K.
Për të na dhënë më shumë detaje mbi këtë ngjarje të rëndë në studion e emisionit “Opinion” në Tv Klan ndodhet gazetari Merin Maçi, i cili shprehet se 44–vjeçari i dhunuar sapo kishte lënë ambientet e xhamisë dhe siç duket edhe në videon e transmetuar ai shfaqet i qetë.
Në pjesën e dytë, intervistë me ish-presidentin Ilir Meta që ndodhet në izolim në qelinë 5 në paraburgimin e Tiranës. 11 pyetje të cilave Ilir Meta u është përgjigjur me shkrim. Inteligjenca Artificiale e ka kthyer në një intervistë të mirëfilltë duke përdorur pamjen dhe zërin e tij, pa ndryshuar përmbajtjen e përgjigjeve.
Në pjesën e fundit Ensar Sinani, një imam në Hamburg që tenton të qëndrojë brenda islamizmit tradicional, pa u ndikuar nga radikalizmi për natën e Kadrit dhe muajin e Ramazanit.
