Duket se hyrja e Trump në Shtëpinë e Bardhë dhe firmosja e urdhrave të parë ekzekutiv që ai ka nënshkruar si Presidenti i 47-të i SHBA-ve ka krijuar një lloj turbullimi për gjithë politikën. Pjesa më e madhe e botës priste që veprimet e Donald Trump të ishin disi kontroverse, por natyrisht janë hapur shumë “piketa” për të cilat nuk ngelet gjë tjetër vetëm se të pritet për të parë se çfarë po ndodh. Trump përveç veprimeve të para që ka deklaruar është fokusuar në mënyrë të menjëhershme tek lufta mes Rusisë dhe Ukrainës. Ndërkohë nga ana tjetër marrëdhëniet e tij me liderët e vendeve të BE-së dhe vetë Evropën vazhdojnë të mbeten të tensionuara. Për të gjitha këto pikëpyetje të mëdha sa i përket ndikimit të Trump në politikën globale diskuton paneli i të ftuarve në studion e emisionit “Opinion” në Tv Klan.
Te ftuar: Floriana Garo, Anuela Ristani, Nikola Kedhi, Gjergj Bojaxhi, Ujeza Doshlani. Në lidhje direkte Kejda Kostreci.
Në pjesën e tretë të emisionit “Opinion” në Tv Klan artisti i njohur Avni Delvina vjen me një intervistë ekskluzive. Ai e mbështet krijimtarinë e tij duke iu bazuar kryesisht zhvillimeve politike. Ditën e betimit të Donald Trump si Presidenti i SHBA-ve, Avi Delvina çeli ekspozitën e tij dedikuar figurës së Donald Trump te Piramida e Tiranës.
