Emisioni “Opinion” i së martës, 3 tetor 2023, i dedikohet sërish Kosovës, pas sulmit terrorist të 24 Shtatorit në Banjskë ku humbi jetën polici shqiptar, Afrim Bunjaku dhe u plagosën 2 të tjerë.
Në një intervistë për “Opinion”, ka qenë i ftuar, në pjesën e parë, Presidenti i vendit, Bajram Begaj. Kreu i shtetit ka folur në lidhje me sulmin në veri të Kosovës për të cilin u shpreh se ishte një akt mjaft i rëndë terrorist.
Ndërkaq në pjesën e dytë të “Opinion”, po për këtë çështje ka qenë i ftuar në një intervistë përballë gazetarit Blendi Fevziu, ish-kryeministri i Kosovës, njëkohësisht kreu i AAK-së, Ramush Haradinaj.
Ndërsa në pjesën e tretë është transmetuar një material mbi çmimet e “Internetit Roaming” mes Europës dhe Ballkanit Perëndimor, të cilat janë ulur mesatarisht deri në 99% duke filluar nga 1 tetori.
Për më tepër ndiqni emisionin “Opinion”.
