Të hënën, më 4 qershor 2024 në emisionin “Opinion” u trajtua tema “Çfarë zbuloi RAI për Edi Ramën?”
Reportazhi për Shqipërinë nga emisioni investigativ “Report” i cili u transmetua në televizionin italian Rai3 ka qenë në qendër të diskutimeve për shumë kohë. Në reportazh thuhej se krimi i organizuar kishte përfaqësuesit e tij në Parlamentin shqiptar. Kryeministri Edi Rama nga ana tjetër vazhdimisht ka mohuar në mënyrë kategorike akuzuar që ngrihen ndaj tij dhe zyrtarëve të tjerë të lartë. Ndër të tjerash mbrëmjen e të dielës Edi Rama u ballafaqua me gazetarin e emisionit italian.
Të ftuar: Eduart Shalsi, Artan Hoxha, Mark Marku, Preç Zogaj
Ndërsa pjesa e dytë dhe e tretë e emisionit “Opinion” iu kushtua portretit të një prej shqiptarëve që jeton në Itali. Ai quhet Marco Muharrem Salihu edhe është një biznesmen nga Medvegja i cili jeton prej 33 vitesh në Venecia, ku dhe ka patur një sukses të jashtëzakonshëm. Ai është jo vetëm pronar i një rrjeti të gjerë restorantesh në zemër të Venecias, por po ashtu edhe pronar i një prej pallateve më të vjetra të qytetit, të cilën kërkon ta kthejë në një muze. Përveç suksesit në fushën e biznesit dhe të sipërmarrjes Muharrem Salihu kërkon të korrë sukses edhe në fushën e politikës. Pasi ka vendosu që të kandidojë për eurodeputet duke qenë në nivele të larta të listës. Atij i duhen 24 ose 25 mijë vota për t’u zgjedhur deputetet dhe për të qenë i pari person si militant i çështjes shqiptare në Parlamentin Europian./Opinion.al
